தூத்துக்குடி:அக:15
இந்துக்களின் முக்கியமான பண்டிகைகளில் ஒன்றான தசரா விழா நாடு முழுவதும் சிறப்பாகக் கொண்டாடப்பட்டு வருகிறது. இதன் ஒரு பகுதியாக, ஆயுத பூஜையன்று தொழிலுக்குப் பயன்படுத்தப்படும் கருவிகள் மற்றும் உபகரணங்களுக்கு பூஜை செய்து வழிபடுவது வழக்கமாகும்.
தூத்துக்குடியில் புகழ்பெற்ற பாகம்பிரியாள் உடனுறை சங்கர ராமேஸ்வரர் திருக்கோவிலில், மாநகராட்சி ஊழியர்கள் சார்பில் ஆண்டுதோறும் சிறப்பு பூஜைகள் நடத்தப்பட்டு வழிபாடு நடைபெற்று வருகிறது.
அதன்படி, இந்த ஆண்டு நடைபெற்ற சிறப்பு பூஜையில் தூத்துக்குடி மாநகராட்சி மேயர் ஜெகன் பெரியசாமி, மாநகராட்சி ஆணையர் பிரியங்கா ஆகியோர் பங்கேற்று சுவாமி தரிசனம் செய்தனர்.
கோவில் தலைமை அர்ச்சகர் செல்வம் பட்டர், அவர்களை வரவேற்று சிறப்பு பூஜைகள் செய்து பிரசாதம் வழங்கினார்.
இந்நிகழ்ச்சியில் மாநகராட்சி சுகாதாரக் குழுத் தலைவர் சுரேஷ்குமார், முன்னாள் கவுன்சிலர் ரவீந்திரன், மாவட்ட தொண்டரணி துணை அமைப்பாளர் ராமர், ஆணையரின் நேர்முக உதவியாளர் துரைமணி, மேயரின் நேர்முக உதவியாளர் ரமேஷ், போல்பேட்டை பகுதி பிரதிநிதிகள் பிரபாகர், ஜேஸ்பர் மற்றும் மாநகராட்சி ஊழியர்கள் உள்ளிட்ட பலர் கலந்து கொண்டனர்.
